Davao City – Hapit malugosi ang usa ka dalaga apan maayo na lang kay nakasinggit kini dihang gihila sa kasagbutang bahin sa Toril area ning siyudad 8:20 kagabii.
Paingon unta mupauli ang biktima nga mao si alyas Mae, 20 anyos, taga-Davao Occidental ug temporaryo nagpuyo sa Toril dihang gihila sa wala mailhing lalake.
Maayo na lang kay nakasiyagit ug nakapangayo og tabang ang biktima mao napugos og sibat ang suspek apan una paman hingpit mikagiw giluba si Mae igo sa kilid nga bahin sa iyang tiyan.
Pagsibat sa suspek gilayon mibalik sa trabahoan ang biktima ug nangayo og tabang sa kaubanang sekyu.
Paspas gisapupo ang biktima paingon sa Southern Philippines Medical Center ug padayon pa nagpaalim sa samad dinunggaban hinoon anaa na sa luwas nga kahimtang.
Nagtuo ang biktima nga buot siyang panmastamasan sa suspek nga nagpabilin pang at-large sa karon.
RadyoMaN Joel Viray
