Bacolod City – Napadulong sa Bacolod City Police Station 1 si Jhona Mae Caballes, 23 anyos, isa ka college student para ireklamo si Lefren Arillo, 25 anyos, soltero kag pumuluyo sang Pavia, Iloilo.
Suno sa estudyante, una niya nga nakilala si Lefren bilang textmate sadtong Nobyembre 2017, apang sang dalayon nila nga pagkilalahay, na-notaran sang babayi nga may yara sang indi amo nga ginahimo ang lalaki.
Dugang sang complainant nga masami nga nagaladto diri sa Bacolod si Lefren kag ginabisita ang estudyante sa iya eskwelahan kag ginasundan bisan nga wala ini ginasapak sang babayi.
Pahayag pa ni Jhona nga nag-aku ang lalaki nga na-in love ini sa iya kag gusto na siya nga pakaslan.
Mas nairitar pa ang tagreklamo matapos ginpost sang lalaki ang iya photo sa Facebook account sini bisan wala ini naglisensya sa iya.
Bangud sini, nagpa-blotter ang babayi bangud para sa iya, gina-stalk na siya sang amo nga lalaki. *RCSG*
—————-
Like our official Facebook page: www.facebook.com/ifmbacolod943
