Davao City- Nakurat ug nakamata ang usa ka dalaga human niya namatikdan nga dunay tawo nga misulod sa iyang kwarto nga buot moamong-among kaniya samtang natulog kini.
Ang ginikanan sa 19 anyos nga dalaga nga giilang alyas Len-len ug ang bana niini ang mireport sa kapolisan sa Toril aron ipatala ang gidangatan sa ilang anak samtang natulog sulod sa iyang lawak sa ilang balay sa Purok 4, Barangay Lubogan, Toril ning syudad sa Davao.
Sumala sa inahan alas 12:00 sa tungang gabii ila na lang namat-an nga perting syagit sa iyang anak tungod kay dunay lalaki nga nakasulod sa iyang kwarto nga gustong moamong-among kaniya apan wala kini milampos tungod kay nakamata sila ug maoy hinungdang milukso sa bintana ang suspetsado.
Sa gihimong pakisusi nasuta nga ang lalaki silingan ra usab nila ug giila nga si Joniel Mangubat, alyas ‘Kimpang’, 20 anyos, construction worker ug nagpuyo ra usab sa maong lugar. Tungod niini naglusad na og manhunt operation ang kapolisan sa Toril aron madakpan si Mangubat.
Kasamang Erin Lumosbog
