Padayon pa karon ang pagpa alim sa samad pinusilan sa usa ka 15 anyos nga dalagita human kini gituohan misulay pag hunos sa iyang kinabuhi. Nahitabo kini dido sa may purok 4, brgy. Uno, lungsod sa Katipunan bandang 8:40PM niadtong adlawng lunes.
Sa inisyal nga imbistigasyon sa kapulisan naila ang maong dalaga nga si Ellen Marie Eslit Mangila, molupyo sa nahisgutan nga barangay usa ka G-10 nga studyante sa katipunan nationala high school nga kung diin misulay kini paghunos sa iyang kinabuhi pinaagi sa pagpusil sa iyang kaugalingon gamit ang revolver 22.
Ang biktima naka angkon ug samad-pinusilan sa iyang walang bahin sa dughan, nakuha sa lugar nahitaboan ang kalibre nga gigamit sa dalaga nga ginag-iyahan sa iyang amahan.
Sa gihimong pagpalawom sa imbistigasyon sa kapulisan sa katipunan didto nasayran duha kaadlaw human nahitabo ang pagsulay paghunos sa kinabuhi, adunay wala pagkasibnatanay tali sa hinigugma niini ug wala na kini sila nagka istoryahay pipila ka mga adlaw.
Matod pa sa testimonya sa iyang igsuong lalaki nga si Meylan Mangila ang iyang igsuon nga si Ellen nangayo kini ug tabang sa iyang hinigugma pinaagi sa Facebook nga mao ang himoong tulay para siya(Ellen) u gang iyang hinugma magka istoryahay sila.
Gidugang pa sa igsuong lalaki nga wala kini misulod sa klase pagka hapon ug mipauli kini sa ilang balay didto gikasab-an sa iyang amahan nga si Manolito Mangila kung ngano wala kini misulod sa klase, giingnan sa iyang amahan nga mas maayong unahon ang pag- eskwela kumpara sa gugma.
Human nga nakasab-an milakaw ang dalaga para mo apil sa thanksgiving party sa bag-ong na elect nga barangay official sa brgy. Uno, nakitan pa kini sa iyang mga kaila nga nag inom sa makahubog nga bino, pagka taod-taod mipauli kini sa ilaha diretso saiyang kwarto, pipila ka minuto nakadungog nalang sa buto sa armas ang igsuon niini ug ang inahan nga si Elizabeth Mangila,dali nga gisubay kun asa gikan ang buto sa armas.
Didto ilang nakita nga duguan ang dalaga ibabaw sa iyang kama, hinungdan nga dali kining gidala sa balay tambalan. Sa pagkakaron anaa na sa luwas nga kahimtang ang dalagita samtang padayon pa ang pagpahi-uli sa iyang samad pinusilan.
