Base sa gisaysay sa biktima nga si Lady Dianne Banzuelo, taga-San Antonio, Agdao, nga nag-abli kini og lending/investment app sa iyang selpon, ug dayon sa paghatag sa mga rekisitos nga gipangayo sa maong online lending.
Giingong nangayo og 10% nga bayad sa kinatibuk-ang kantidad nga giaprobahan ang online lending maong nagpadala usab ang biktima og kwarta ngadto sa usa ka Chabelita Lopez Medrano.
Dili pa paigo, subling gipangayoan sa online lending ang biktima og 30% sa kinatibuk-ang kantidad nga giaprubahan, butang nga wa usab magduhaduha ang biktima sa pagpahigayon og cash transfer sa account nga iya sa usa ka Margerie Tomawis.
Apan nangangha nalang ang biktima nga gi-block og pinakalit sa online lending ang account niini ug dili na ma-access pa ang mga mangingilad human nakalimas og salapi gikan sa biktima.
Sa pagkakaron, ang kaso anaa na sa PNP-Cyber Crime Unit ug padayon pang giila sa mga otoridad ang mga suspek lakip na ang online lending apps nga gigamit sa modus operandi sa mga mangingilad.
RadyoMaN Joel Viray
