Davao City – Patay ng nahidangat sa balay-tambalanan ang usa ka 56 anyos nga balo nga si Estella Astillo sa dihang naligo kini og dagat sa may Dumalag Matina Aplaya ning siyudad sa Davao.
Personal nga midangop sa Talomo PNP ang usa ka Jocelyn Richa, 41 anyos, residente sa Arroyo Compound Matina ug sugilon pa niini nga bandang alas-8:00 Huwebes sa buntag nagkuyog sa biktima aron maligo og dagat sa Eagle Beach Resort o mas nailang Seagalid sa may Dumalag Matina Aplaya ning syudad sa Davao.
Kalit lang matud pa gi-atake samtang anaa sa tubig ang biktima.
Dali nga gitabang si Astillo apan dead on arrival na kini sa Seventh Day Adventist Hospital.
Sa pagkakaron ginasuta pa kung dunay foul play gikan sa patay’ng lawas niini ug ang hinungdan sa kamatayon sa biktima.
RadyoMaN Paul Canono
