Pagadian City – Kalipay nga giubanan og kabalaka ang gibati sa usa 22 anyos nga dalaga dihang siya nagmabdos ug nanamkon og usa ka batang babaye bisan siya virgin ug wala mahialabti og lalaki.
Sa eksklusibo nga interview sa RMN Pagadiang kang Joy, lumulupyo sa lungsod sa labangan ning probinsya sa Zamboanga del Sur, natingala siya nga sa taas nga panahon nga wala siya duawa sa iyang binulan nga sakit.
Nakahukom ang dalaga nga magpahiling sa doctor og dako ang iyang katingala human gideklara nga mabdos siya apan nagpabilin ang iyang kaputli og wala napusgay ang iyang tagu-angkan.
Gipamugos sa dalaga nga wala siya makighilawas og lalaki apan iyang giangkon nga duna siyay hinigugma.
Gasabak si Joy sulod sa siyam ka bulan og niadtong hunyos 22 adlaw nga byernis iyang gihimugso ang batang babaye nga si Baby Sittie Hannah.
Naglisod ang mga doktor sa pagpa-anak kang Joy kay sirado man ang iyang tagu-angkan.
Gipaambit ni Joy ang pagpasabot sa iyang doktor nga posibleng iyang nakuha ang sperm cell sa tubig o sa swimming pool og kini misulod sa iyang kinatawo.
Dihang gisukit-sukit sa RMN Newsteam mitug-an si Joy nga sa dihang iyang gimabdos ang bata dunay babaye ug lalaki nga nagpunay og duaw niya apan dili maklaro ang ilang panagway.
