Davao City – Mireklamo sa Talomo Police ang usa ka dalagang estudyante human gihulga nga ipakatag ang sex video niini pinaagi sa social media.
Sa blotter sa Talomo PNP, nakadawat si alyas Essa, 20 anyos, estudyante nagpuyo sa Brgy. Maa, Davao City, og mensahe sa iyang messenger sa Facebook alas 12:45 sa hapon gikan sa wala mailhing account diin naghulga kaniya nga ipakatag ang sex video kun dili mokooperar sa gusto niiini.
Gidugang ni alyas Essa nga pagka alas 6:00 sa hapon subli na usab siyang gipadad-an og mensahe sa wala mailhing suspek nga “time is up” hinungdan nga nibati og kabalaka ang dalaga rason sa iyang pagpangayo og pakitabang sa kapulisan.
Ang kaso ni alyas Essa gi-endorso karon sa Anti-Cybercrime Unit sa Davao City Police Office (DCPO) aron matagaan og aksyon.
RadyoMaN Erin Lumosbog
