Davao City – Giendorso sa taxi driver sa Talomo PNP ang usa ka dalagang hubog nga nakatulog sa iyang taxi alas 12:00 pasado sa tungang gabii.
Sa blotter sa presinto tres, nakahukom ang taxi driver nga si Jun Jun Montecino, 29 anyos nagmaneho sa Master Cab taxi nga itugyan sa mga pulis ang iyang pasahero tungod kay wala na kini makatuod sa iyang destinasyon tungod sa grabeng kahubog.
Misakay kuno ang dalaga sa dalang Torres ug mihangyo sa driver nga modiretso sa Times Beach aron didto motiwas sa pag-inum.
Samtang sulod sa taxi nagsige na ug bakho ang dalaga tungod kay nag-away kini sa iyang boyfriend hangtud nga nakatulog kini ug lisud na pukawon aron tultulon ang iyang gipuy-an.
Naka uniporme pa ang dalaga ug pang opesina ug duda sa mga police sa bangko kini nag trabaho.
Ang Women and Children Protection Desk maoy miasikaso sa broken-hearted nga dalagang pasahero.
Ang taxi driver apil nga nakulgot sa presinto tungod kay wala pa kabayad ang dalaga sa patak sa taxi.
RadyoMaN Erin Lumosbog
