Davao City – Nagpatabang sa Buhangin PNP ang usa ka dalaga human siya gihulga nga i-post sa facebook ang iyang mga hulagway kung dili niya undangan og chat ang usa ka langyaw nga uyab sa nanghulga kaniya.
Matud ni Karen Agustin, 22 anyos, dalaga nagpuyo sa San Nicolas Buhangin sugod siya nakadawat og hulga gikan sa usa ka Precious Malapit nga taga Asuncion Davao Del Norte niadto pang Pebrero 12.
Suma sa dalaga nga nasuko si Precious kaniya tungod kay nakig chat kini sa iyang uyab nga si Paul Hingone.
Sukad niadto, wala na’y hunong ang iyang madawat nga mensahe gikan ni Precious ug miingon nga iyang i-post sa facebook ang ilang conversation o dili ba kaha ang hulagway mismo sa complainant.
Tungod sa kabalaka nga basin tinud-on ni Precious ang iyang bahad midangop si Karen sa Presinto 5 partikular sa Anti-Cybercrime Unit aron mainbestigahan ang wala pagsinabtanay sa duha ka dalaga.
RadyoMaN Joel Viray
