Davao City – Patay nakaplagan sulod sa kwarto sa balay sa Kilometer 11 Sasa ning siyudad ang usa ka tenth grade student sa Bangoy Elementary School bandang alas 8:00 kagabii.
Dead on arrival nahidangat sa Southern Philippines Medical Center (SPMC) si Nestle Arquillano sa miatiman kaniya nga doctor sa nasangpit nga balay tambalan.
Nadiskobrehan ang biktima sa iyang best friend nga si Amites Bacung nga nagbitay na gamit ang nylon ug gitala sa kisame sulod sa kwarto niini.
Daling gipahibalo ni Amites ang amahan ni Nestle nga si Samuel mahitungod sa nadangatan sa iyang anak busa gilayon sila nangayo og tabang sa medic team sa Central 911.
Gilayon gisapupo ang biktima paingon sa SPMC apan sa dalan pa lang daan nakabsan na kini sa kinabuhi mao nga pag-abot sa mao nga tambalanan igo na lang kini gideklara nga patay na.
Nasayran nga nahiubos ang biktima sa iyang amahan human kini gi-reprimand sa wala pa masayri nga rason ug walay nakitang foul play ang Sasa PNP sa kamatayon sa dalagita.
RadyoMaN Joel Viray
