Dalagita gilugos sa 3 ka lalake, biktima nagpatabang sa DXDC

Davao City- Gi-asikaso na sa Davao City Police Office Women and Children’s Protection Desk (DCPO-WCPD) ang dalagita nga gitabangan og lugos sa tulo ka mga lalake sa Barangay Lubogan Toril ning Siyodad nga nahitabo di palang dugay.

Sa interview sa DXDC RMN Davao sa iyaaan nga si alyas Martha, karong adlawa gikatakdang istoryahon sa DCPO-WCPD ang 16 anyos nga si alyas Inday aron sayron ang sinugdanang panghitabo ug lakip na ang tulo ka suspek nga milugos kaniya.

Kahinumdoman, midangop sa DXDC RMN NEWS TEAM ang biktima uban sa iyang uyoan ug iyaan nga taga-Panabo City aron mag-patabang nga madakpan ug masilotan ang mga suspek nga mi-among- among sa pagkababaye sa biktima.

Gisaysay sa iyaan nga si alyas Martha nga gikuha kining biktima sa iyang magulang didto sa ilang lugar sa Bohol ug gipasaligan nga pa-eskwelahon dinhi sa dakbayan butang nga wa mahitabo.

Nag-inusara lang sa balay sa Lubogan ang biktima dihang gibira kini sa tulo ka mga lalake paingon sa kasagbutan kung asa nahitabo ang pagpanglugos, apan maayo nalang kay naka-ikyas ang biktima paingon sa Toril crossing hinungdan nga nakontak niini ang iyang iyaan.

RadyoMaN Joel Viray