Tungod sa ka uhaw sa lawasnong kalipay usa ka 54 anyos nga lalaki ang naaresto human gi akusahan nga matod pa misulay kini paglugos sa usa ka 16 anyos nga dalagita.
Nahitabo ang maong insidente sulod mismo sa Comfort Room duol sa St. Francis Javier Church nga anaa nahimutang partikular mente sa may brgy. Uno, sakop sa lungsod sa Katipunan.
Naila ang suspek nga si Pedi Daes Salapayne, 54 anyos residente sa nahisgutan nga brgy.
Matod pa ang suspetsado kalit lang niya gituklod ang biktima ug didto na gisugdan ang paghikap sa pribadong parte sa lawas sa babaye nga biktima samtang anaa sulod sa comfort room.
Hinuon nakapangita pa ug higayon ang biktima nga makalingkas sa kamot sa suspek nga buot unta mo lugos kaniya aron sa pagpangayo ug tabang ngadto sa iyang inahan nga anaa mismo atong higayuna.
Dako usab ang pasalamat sa biktima nga walay dautang nahitabo kaniya lakip na usab nga nagpasalamat ang inahan sa biktima tungod kay malampuson nga naaresto ang suspek didto sa galingan nga anaa didto sa brgy. New tambo, sakop sa maong lungsod.
Ang dinakpan anaa na karon sa buhatan sa kapulisan sa maong lungsod aron pasakaan ug kaso may kalabutan sa sala nga iyang nabuhat.
