Davao City – Gikasubo sa pamilya ug kabanay sa usa ka dalagita ang pagkamatay human naanod sa kusog nga bul-og sa baha alas-12:00 ang takna sa hapon sa Prk. 5 Sitio Handuromog Brgy. Bayabas Nabunturan Compostela Valley niadtong milabay’ng adlaw
Ang patay nga lawas giila nga si Krisel Hermosora, 12 anyos, residente sa nahisgutang lugar.
Sa report gikan sa Nabunturan Police Station, nasayran nga gipahigayon ang search and rescue operation sa mga sakop sa mga barangay officials ug mga residente hinungdan nga napalgan ang patay’ng lawas sa dalagita nga nasangit sa punoan sa kahoy nga wala na kinabuhi.
Kahinumduman nga naanod ang dalagita human mitabok sa sapa tungod sa kakusog sa baha, gisulayan pagluwas sa iyang apuhan apan napakyas.
Kasamtangan ang patay’ng lawas sa biktima gihaya sa ilang panimalay.
RadyoMaN Juls Catisay
