Dalagita nakaikyas sa dakong sunog sa Laverna

175

Davao City – Gikan pa sa pagkahinanok og tulog si Angelica Maraat human nga iyang namatikdan nga gadilaab na ang kalayo ug gibalot na og aso ang ilang balay pasado alas 6 sa kagabhion.

Dali kining nakadagan pagawas sa ilang pinuy-anan dinhi sa may Sta. Veronica St., La Verna Hills Subdivision, Buhangin, Davao City ug nagpatabang sa ilang mga silingan.

“Pasalamat gyod ko sa Ginoo kay 4 hours nako natulog tungod sa kakapoy wala ko kamata sa dihang out of the blue nakamata ko nga si Lord gyod ang nag-saved sa ako kay ako ra bya usa balay namo unya ang room nga akong gitulugan duol ra sa kitchen kay kung wala ko nakamata sunog gyod ko ug dili ko kagawas ato kay dali ra kaayo nidako ang kalayo,” sumala ni Maraat.

Ugdaw ang tanang kagamitan lakip na mga appliances, musical intruments ug livestock sulod sa ilang panimalay.

Sa interbyu sa Dxdc Davao kang SFO1 Ulysses Cervantes, Fire Investigator Lanang Fire Station nagsugod ang kalayo sa kusina sa balay sa pamilyang Maraat.

“Ang ilahang lutuanan dinhi electric stove unya matud pa usab sa nahibilin dinhi nga anak nga wala pod daw sila nagluto, maong ato pang ginasuta gyod kung unsa gyuy hinungdan,” segun ni Cervantes.

Nilungtad og kapin usa ka oras ang dakong kalayo ug gideklara kining fire out alas 7:12 sa kagabhion.

Matud ni Cervantes dili muubos sa P1M ang damyos diin usa ka balay ang totally damage ug usa ang partially damage.

RadyoMaN Aimee Guinita

Facebook Comments