Naghatid ng kilig at kasiyahan sa mga netizens ang isang natatanging exchange gift na naging viral online. Tampok sa video ang Grade 10 students ng San Quintin National High School sa San Quintin, Pangasinan.
Ang highlight ng kanilang Christmas party ay isang dalagita na nakatanggap ng kanyang crush bilang regalo!
Sa video na inupload ni Yye Sofia Marie noong Disyembre 19, 2024, makikita ang malikhaing ideya ni Mark Joshua “MJ” Estipona na binalot ang kanilang kaklaseng si Prince Josef Coquia upang iregalo kay Hannah Gwyneth.
Ayon kay Sofia, matagal nang alam ng klase ang mutual crush nina Hannah at Josef, kaya nang mabunot ni MJ si Hannah sa exchange gift, naisip niyang magbigay ng nakakatawang sorpresa.
Ipinahayag din na may pahintulot ang kanilang guro sa naturang ideya dahil katuwaan lamang ito.
Ang video ay nakapagtala na ng mahigit 11.8 milyong views sa social media, kung saan maraming netizens ang nagkomento at nagpahayag ng kanilang kasiyahan. |𝙞𝙛𝙢𝙣𝙚𝙬𝙨
