Davao City – Gi-asister sa DXDC team ang usa ka dalagita kinsa nabiktima sa giingong manyakis nga lalaking naka-motor sa Medalla Milagrosa St., Buhangin ning syudad sa Davao nga ipatala ang insidente sa Buhangin PNP.
Sumala ni alyas Janica pasado alas 9 sa gabie samtang nagbaktas siya pauli sa ilang balay kalit lamang siyang gihunungan sa suspek og gihikap ang iyang pribadong parte sa lawas ug human sa insidente nisutoy dayon kini’g padagan.
Buot sa biktima nga maaksyunan na kini sa mga awtoridad tungod kay dili na muubos sa napulo ka mga babae ang nabiktima sa trip sa maong suspetsado diha sa ilang lugar.
Gipasalig ni Buhangin PNP Station Commander PCI Jack Tilcag nga himuon nila ang tanan aron masikop ang suspek.
Matud ni Tilcag ila usab lantawon ang CCTV footage nga anaa sa nasangpit nga lugar aron masuta ang dagway sa nakapambiktima og mga dalaga.
RadyoMaN Aimee Guinita
