Davao City – Kasong murder ang atubangon sa lalaki nga maoy suspek sa pagpatay sa iyahang bayaw sa Poblacion Uno, Bansalan, Davao del Sur.
Sa interview sa DXDC RMN Davao sa Bansalan Municipal Police Station, gikabutyag nga ilaha nalang ginapaabot ang resulta sa medical examination sa biktimang si alyas Mimi, 15 anyos kung positibo ba kining gihilabtan human nga wala nay sapot ang biktima sa dihang kini nakaplagan sa abandonadong balay.
Una nang nanawagan og hustisya ang inahan sa biktima nga mapanubag ang suspek nga ilahang na’ng gitrato nga miyembro sa pamilya.
Nasayrang wala sab nagtuo ang iyang anak nga live-in partner sa suspek nga nabuhat niini ang krimen, diin mitabang pa kini og pagpangita sa biktima dayon mi-surrender sa dihang ang nakaplagan ang dalagita.
RadyoMaN Kirby Manzon
Facebook Comments
