Dalaguita muerto, 8 otro irido na accidente

62

Un dalaguita el muerto mientras hocho del su maga compañero y compañera el irido despues el pick-up type truck ta munta sila ya man bangga na urilla del calsada na Grassland na Lantawan, Pasonanca del Biernes tarde.
El muerto amo si Mira Anni Atillo, con quien ya declara dead on arrival na hospital.
El maga irido amo canda Irish Sereño Raviena,18, (confined na ICU del Ciudad Medical Center), Aj Nogas,18, Abdelasis Jubail y Dammong,18, Chrizhel Lagutin Dacanay,18, Robert Alvarez Greg, Karen Lee Castillo,18, Shariff Gadsali Usman,18, Merhanisa Kahal Andih,18, todo confined na Zamboanga Doctors Hospital for medical treatment.
Na report del pulis pasada alas 4 del tarde el maga jovensita y jovensito muntao na pick-up type truck que ta maneja si Nojas ya anda na Grassland na Lantawan para mira el hermosura del lugar cuando ya eperiencia problema el maquina del vejiculo.
Nohay mas puede controla con el manibela si Nogas hasta yan bangga este na urillando del calsada.
Todo el maga muntao adentro ya sostene irida na cuerpo y ya lleva canila na maga hospital.
Pero con Atillo ya pronuncia dead on arrival na West Metro Medical Center.

Facebook Comments

From Advertisers