Sa interview sa DXDC RMN Davao kang Lynne Mangubat Dollolasa, Municipal Disaster Risk Reduction and Management (MDRRM) Officer sa LGU New Bataan, iyang gibutyag nga tungod sa pagdahili sa yuta, temporaryong wala naagian ang dalan sa Nabunturan padulong sa Maragusan.
Matud ni Dollolasa, nagpakitabang usab sila dayon sa PLGU nga nagpadala usab dayon og ekipo alang sa clearing operation nga naagian ra usab sa mga motorista.
“Ang Nabunturan-Maragusan road, dili passable tungod sa landslide nga nahitabo sa Tru Cut unya full road blockage gyud siya. Unya naputol pud ang approach sa tulay sa Fatima diri sa Barangay Fatima, (New Bataan),” matud ni Dollolasa.
Dugang sa MDRRM Officer nga sa New Bataan, apektado usab sa pagbaha ang Barangay Bantacan, Barangay Kahayag, Barangay Andap ug Barangay Cabinuangan. Gilayon usab nga gi-evacuate ang mga residente. Gipasalamat usab sa LGU nga walay natala nga casualty tungod sa kalamidad.
RadyoMaN Kirby Manzon
