Davao City – Temporaryong gisirado sa mga motorista ang Tru Cut Road Section sa Barangay Mainit, Maco, Davao de Oro sugod kagahapong adlawa, Mayo 7, 2024.
Sa abiso sa Municipal Disaster Risk Reduction and Management Office (MDRRMO) Maco, ilahang gipahibalo nga rason sa pagsirado sa dalan mao ang himuong rehabilitasyon o pag-repair sa maong road section.
Sa Facebook post ni Mac Daniel Jubahib Buncalan, makita ang pagka-kankan ug pagkaguba sa kilid sa dalan diin delikado na sa mga motorista ilabi na na nga lawom ang pangpang sa kilid.
Matud ni Buncalan nga nakaagi pa siya sa maong dalan hapon niadtong Lunes, Mayo 6, 2024. Tambag kaniya sa pulis nga alternatibong dalan nga pwede luwas agian mao ang dalan sa Lumanggang, New Leyte sa maong munisipalidad.
RadyoMaN Kirby Manzon
Facebook Comments
