Roxas City, Capiz – Hugot anay subong nga ginabawal ang “dalaw” ukon pagbisita sa mga inmates sa Capiz Rehabilitation Center.
Ginpahayag ni Jail Warden Arjuna Yngcong nga ini ang kabahin lamang sang precautionary measure agud nga malikawan ang transmission sang corona virus disease sa CRC.
Suno kay Yngcong, bilang alternatibo pwede man nga makatawag sa cellphone ang mga pamilya sang mga inmates ukon indi gani pinaagi sa videocall.
Nahibaluan nga may yara sang kabug-osan nga 290 ka mga inmates ang CRC kun sa diin 286 diri ang mga lalaki samtang apat naman ang mga babaye.
Samtang ginkumpirmar ni Jail Warden Arjuna Yngcong nga bangud sa kakulangan sang pondo, wala na ginapaidalom sa rapid test ang mga bag-o nga inmates nga ginapasulod sa CRC.
Sa baylo, ang ginahimo nila amo nga gina-isolate na lamang ang mga ini sa detention cell nga iya sadto sang mga babaye samtang ang mga babaye naman nga mga inmates ang ginbalhin sa separado nga pahamtangan.
Ginapangayuan ang mga ini sang medical certificate antes nga batunon sang CRC kag dapat nga magpaidalom anay sa 14-day quarantine ukon isolation.
