Manila, Philippines – Natimbog ang dalawang lalaki matapos mahulihan ng ilang sachet ng hinihinalang shabu sa ikinasang operasyon ng Pasay City Police – Station Drug Enforcement Unit.
Nakilala ang mga arestado na sina Eleoterio Donggo, 44, at Glenn Acosta, 40, kapwa miyembro ng Sputnik Gang at nakatira sa M. Dela Cruz St., Brgy. 127, Zone 13
Sina Donggo at Acosta ay nadakip sa kanilang bahay ng mga elementro ng SDEU sa bisa na rin ng search warrant na ipinalabas ni RTC Judge Racquelen Abary-Vasquez.
Nakuha mula kay Donggo ang siyam na plastic sachet na naglalaman ng hinihinalang shabu at tinatayang nagkakahalaga ng 50,000 pesos kaya’t sasampahan ito ng kasong paglabag sa RA 9165 o Comprehensive Dangerous Drugs Act of 2002.
Paglabag naman sa Presidential Decree No. 1829 o Obstruction of Justice ang kinakaharap ng isa pang suspek na si Acosta.
