Kalaboso ang dalawang lalaki matapos mahulihan ng higit P800 libong halaga ng ilegal na droga sa Caloocan.
Nakilala ang mga nadakip na sina Edgardo de Vera, 51-anyos at Estilito Castro, 30-anyos.
Nasakote sila ng mga tauhan ng District Drug Enforcement Unit ng Northern Police District (NPD).
Ito’y sa pamamagitan ng ikinasang buy bust operation sa Bagumbong Dulo na sakop ng Barangay 171.
Nakumpiska sa kanila ang nasa dalawang sachet ng shabu na nasa 125 na gramo ang bigat at nagkakahalaga ng P850,000.00.
Bukod sa ilegal na droga, nakuha rin sa kanilang pag-iingat ang isang shotgun na kargado ng tatlong bala.
Facebook Comments
