Hindi umubra ang palusot ng dalawang lalaki makaraang mahuling nagsusugal sa Urbano Velasco Avenue, Brgy. Pinagbuhatan, Pasig City.
Nakilala ang nadakip na sina Olympio Margate at Jude Bernal.
Sa impormasyon nakuha ng DZXL RMN Manila sa Pasig Police Community Precint Station 4, nakatanggap sila ng impormasyon hinggil sa iligal na pagsusugal ng mga suspek.
Nang puntahan, agad na pinalibutan ng mga pulis ang dalawa kaya’t hindi na nakapalag pa kung saan nakuha sa kanilaang dalawang piraso ng dice at P150. 00 na pamusta.
Pagsapit sa presinto, sinabi nina margate at bernal na nagpapalipas lamang sila ng oras kaya’t naisipang magsugal pero ipinaalala naman sa kanila ng mga otoridad na may umiiral na ordinansa na nagbabawal sa iligal na pagsusugal sa lungsod ng pasig.
