Quezon City – Dalawa ang kumpirmadong patay sa pagtagilid ng isang mixer truck sa northbound ng Mindanao Avenue, Quezon City kaninang alas 5:00 ng hapon.
Sa inisyal na ulat, nawalan ng kontrol ang 16-wheeler truck at nagdire-diretso ito sa center island saka tumagilid.
Isang kulay puting kotse naman ang nadaganan ng truck kung saan sakay ang mga biktima.
Unang naialis sa loob ng kotse ang driver at ang tao sa likod nito habang pahirapan sa pagrekober sa dalawa pang sakay dahil yuping-yupi ang sasakyan.
Iniimbestigahan pa ng otoridad ang dahilan ng aksidente gayundin kung bakit bumabiyahe ang truck sa ganitong oras sa kabila ng ipinatutupad na truck ban.
Facebook Comments
