Isasara Metropolitan Manila Development Authority (MMDA) ang dalawa pang U-turn slots sa kahabaan ng EDSA.
Batay sa abiso ng MMDA, simula sa lunes, Nobyembre 23 ay sarado na ang U-turn slots malapit sa Oliveros Drive at Balintawak Market.
Kaya naman ang mga motoristang gumagamit sa naturang U-turn slot ay maaaring gamitin ang mga alternatibong ruta.
Kung galing Northbound papuntang Southbound, ang mga apektadong motorista ay liliko na sa Balintawak Interchange, General Malvar/Bagong Barrio.
Kapag galing naman ng Southbound papuntang Northbound, nasa Quezon Avenue service road ang U-turn slot.
May mga alternatibong ruta rin sa pagitan ng North Avenue at Manila Central University sa Monumento.
Facebook Comments
