![](https://i0.wp.com/rmn.ph/wp-content/uploads/2023/01/ESABONG.jpg?resize=696%2C392&ssl=1)
Sumuko na sa awtoridad ang dalawa sa tatlong pulis na sinibak sa serbisyo dahil sa pagkakasangkot sa pagdukot sa isang e-sabong master agent sa Laguna.
Kinilala ang mga suspek na si Police Patrolman Rigel Brosas at Police Staff Sergeant Daryl Paghangaan na sumuko sa Philippine National Police-Integrity Monitoring and Enforcement Group (PNP-IMEG) Team 4-A.
Ayon kay PNP-IMEG Group Director Police Brigadier General Warren de Leon, nahaharap ang mga suspek sa kasong kidnapping, serious illegal detention, at robbery matapos ang pagdukot sa e-sabong master agent na si Ricardo Lasco.
Si Lasco ay sapilitang kinuha sa kanyang bahay sa Laguna ng mga naturang police officers na nagpanggap na mga NBI agent.
Facebook Comments