Hinuli ng mga tauhan ng Las Piñas City Police Station ang dalawang lalaki dahil sa nag-iinuman sa pampublikong lugar sa lungsod ng Las Piñas at wala pang suot na face mask.
Kinilala ang mga naaresto na sina Teodoro Cairo, 64 anyos, isang Lazada rider at Hernan John Asa, 33 anyos, isang call center agent.
Sa inisyal na ulat ng Las Piñas-PNP, nagsagawa ang kanilang mga tauhan ng oplan galugad sa Sto. Niño Compound Talon Singko, Las Piñas City kung saan naaktuhang ang dalawang tumatagay at ang malala pa ay walang face mask o face shield na suot.
Agad silang inaresto at nakuha ang isang bote ng alak at tatlong plastic cups.
Sa ngayon nahaharap na ang dalawa sa paglabag sa mga ordinansa sa lungsod.
Facebook Comments
