CAUAYAN CITY – NAARESTO NG MGA OPERATIBA NG DINAPIGUE MUNICIPAL POLICE STATION ANG DALAWANG LALAKI MAYAPOS MAAKTOHANG NAGBEBENTA NG MGA PEKENG SIGARILYO SA BRGY. DIGUMASED, DINAPIGUE, ISABELA.
KINILALA ANG MGA SUSPEK BILANG ALYAS “RIC”, AT “REN”, NASA WASTONG EDAD AT RESIDENTE NG NABANGGIT NA LUGAR.
BATAY SA IMBESTIGASYON, NAKATANGGAP NG IMPORMASYON ANG DINAPIGUE MPS MULA SA BARANGAY INTELLIGENCE NETWORK (BIN) HINGGIL SA ILEGAL NA PAGBEBENTA AT PAMAMAHAGI NG MGA PEKENG SIGARILYO NG MGA SUSPEK SA MGA BAYAN NG CASIGURAN AT DILASAG SA AURORA, MAGING SA DINAPIGUE, ISABELA.
AGAD NA IKINASA ANG OPERASYON NA NAGRESULTA SA PAGKAKAARESTO NG DALAWA HABANG NAGBEBENTA NG MGA SIGARILYO GAMIT ANG ISANG PUTING ISUZU TRUCK.
NAKUMPISKA MULA SA MGA SUSPEK ANG SIYAM NA KAHON NG MODERN LIGHTS CIGARETTES NA NAGKAKAHALAGA NG ₱189,000.00, TATLONG KAHON NG MODERN BLUE CIGARETTES NA NAGKAKAHALAGA NG ₱54,000.00, TATLONG KAHON NG TWO MOON CIGARETTES NA NAGKAKAHALAGA NG ₱43,500.00, AT ISANG KAHON NG T.S. CIGARETTES NA NAGKAKAHALAGA NG ₱14,500.00, KUNG SAAN UMABOT SA ₱301,000.00 ANG KABUUANG HALAGA NG MGA NAKUMPISKANG PEKENG SIGARILYO.
ANG MGA SUSPEK AT MGA EBIDENSYA AY KASALUKUYANG NASA KUSTODIYA NG DINAPIGUE MUNICIPAL POLICE STATION PARA SA KAUKULANG DOKUMENTASYON AT TAMANG DISPOSISYON ALINSUNOD SA BATAS.
SAMANTALA, MAHAHARAP ANG MGA SUAPEK SA KASONG PAGLABAG SA SECTION 263 NG REPUBLIC ACT 8424 O ANG NATIONAL INTERNAL REVENUE CODE.
