Arestado ang dalawang lalaki sa ikinasang buy-bust operation ng Bayambang Police kahapon ng umaga, December 8, sa Bayambang, Pangasinan.
Kinilala ang mga suspek na isang 27-anyos na walang trabaho at isang 49-anyos na driver, kapwa residente ng Bautista, Pangasinan.
Sinugod ng Bayambang MPS ang operasyon kasama ang PDEA Region 1.
Nasamsam mula sa mga suspek ang tinatayang 3 gramo ng hinihinalang shabu na may halaga umanong higit ₱20,000, nakapaloob sa tatlong sachet.
Narekober din ang isang dusted ₱500 bill na ginamit sa transaksyon, dalawang cellphone, at isang tricycle.
Nagsagawa naman ng on-site inventory ang mga operatiba.
Dinala na rin sa istasyon ang mga suspek para harapin ang mga kasong may kinalaman sa droga. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
Facebook Comments
