Nag-ulat ang dalawang magsasaka sa San Quintin ng pagkawala ng tatlong alagang baka na huling nakita sa Barangay Lagasit, San Quintin, Pangasinan, sa hangganan ng bayan ng Tayug, noong gabi ng Enero 5 hanggang madaling araw ng Enero 6, 2026.
Ayon sa ulat, dalawang babaeng baka at isang babaeng baka ang magkakahiwalay na inaalagaan at pinapastol ng mga may-ari bandang alas-singko ng hapon noong Enero 5 sa isang damuhang lugar sa nasabing barangay.
Mayroon ding tinatayang labinlimang iba pang baka sa lugar na pinastol ngunit pansamantalang naiwan na walang bantay.
Bandang alas-sais ng umaga noong Enero 6, napansin ng mga may-ari na nawawala na ang tatlong baka at hindi na ito matagpuan hanggang sa kasalukuyan.
Naiulat ang insidente sa San Quintin Municipal Police Station noong umaga ng Enero 7.
Batay sa paunang impormasyon, karamihan sa mga baka sa lugar ay walang Certificate of Registration mula sa Municipal Treasury Office.
Napag-alaman din na ang mga tali ng nawawalang mga baka ay nakalas at walang palatandaan ng puwersahang pagputol.
Patuloy ang isinasagawang beripikasyon at imbestigasyon ng San Quintin MPS upang matukoy ang pangyayari at ang posibleng kinaroroonan ng mga nawawalang alagang hayop.
