CAUAYAN CITY – DALAWANG PULIS ANG NASAWI SA NAGANAP NA SHOOTING INCIDENT SA BANGUED, ABRA NOONG ARAW NG LUNES, NOVEMBER 10, 2025.
AYON SA ULAT NG BANGUED MUNICIPAL POLICE STATION, NAGANAP ANG PAMAMARIL SA MISMONG TANGGAPAN NG PROVINCIAL EXPLOSIVE ORDNANCE DISPOSAL (EOD) AND CANINE UNIT (PECU) SA CASAMATA HILL, ZONE 5, BANGUED.
BATAY SA PAUNANG IMBESTIGASYON, KARARATING LAMANG NG BIKTIMANG SI POLICE STAFF SERGEANT (PSSG) O’NEAL RYAN CALICA, 47-ANYOS SA KANILANG OPISINA AT KASALUKUYANG NAGSISIPILYO NANG LUMABAS SA SILID SI POLICE LIEUTENANT (PLT) JAMIESON BULATAO. WALANG ANU-ANO’Y BIGLA UMANONG KINUHA AT NILAGYAN NG BALA NI BULATAO ANG KANIYANG BARIL BAGO SUNOD-SUNOD NA BINARIL SI CALICA SA KALIWANG BAHAGI NG DIBDIB.
PAGKATAPOS NITO, TINUTUKAN DIN UMANO NI BULATAO NG BARIL ANG ISA PANG PULIS NA SI POLICE SENIOR MASTER SERGEANT (PSMS) EDWIN BANDOC AT NAGPAPUTOK NGUNIT HINDI ITO TINAMAAN, KAYA NAMAN GUMANTI NG PUTOK SI BANDOC AT DAHILAN UPANG TAMAAN SI BULATAO SA DIBDIB.
AGAD NA ISINUGOD SINA CALICA AT BULATAO SA SEARES MEMORIAL HOSPITAL, NGUNIT SA KASAMAANG PALAD AY PAREHONG IDINEKLARANG DEAD ON ARRIVAL.
PATULOY NA INIIMBESTIGAHAN NG MGA TAUHAN NG ABRA PROVINCIAL FORENSIC UNIT ANG INSIDENTE UPANG MATUKOY ANG MOTIBO SA LIKOD NG PAMAMARIL.
