DALAWANG RENT-A-CAR OWNERS SA LUNGSOD NG CAUAYAN, NABIKTIMA NG “RENT-SANGLA” MODUS
CAUAYAN CITY – DALAWANG RENT-A-CAR OWNERS MULA CAUAYAN CITY, ISABELA ANG NAGREKLAMO LABAN SA ISANG BABAE MULA KALINGA NA SANGKOT UMANO SA “RENT-SANGLA” MODUS.
ANIM NA SASAKYAN ANG NIRENTAHAN NG SUSPEK NA SI ALYAS “MARGIE PERO KALAUNAN AY ISINANGLA AT IPINAUPA PA SA IBANG TAO.
AYON SA HIGHWAY PATROL GROUP-KALINGA, AUGUST 19, 2025 NANG LUMAPIT SA KANILA ANG MGA BIKTIMA MATAPOS NILANG MAKITA SA FACEBOOK GROUP NG RENT-A-CAR OWNERS ANG BABALA TUNGKOL KAY “MARGIE.”
SINUBUKAN PA NILA ITONG TAWAGAN PERO HINDI NA SUMAGOT KAYA HUMINGI SILA NG TULONG SA HPG.
SABI NI POLICE CAPTAIN JORDAN BONGAT, HEPE NG HPG-KALINGA, AGAD SILANG NAGSAGAWA NG OPERASYON AT SA PAREHONG ARAW, APAT SA ANIM NA SASAKYAN ANG KANILANG NABAWI DAHIL NAKIPAGTULUNGAN ANG MGA TAONG HAWAK NG MGA ITO.
LUMABAS SA IMBESTIGASYON NA ANG IBANG SASAKYAN AY ISINANGLA NI “MARY” HABANG ANG IBA NAMAN AY PINARENTA MULI SA MAS MATAAS NA PRESYO.
AYON KAY BONGAT, NAKAKAALARMA ITO DAHIL MAAARING TULUYANG MAWALA ANG MGA SASAKYAN NG MGA BIKTIMA.
AYON PA SA OPISYAL, GINAGAMIT NG AKUSADO ANG PALUSOT NA IPINAPARENTA LANG NIYA ANG MGA KOTSE AT HINDI ISINANGLA.
SA NGAYON, HINIHINTAY PA ANG PORMAL NA REKLAMO NG MGA BIKTIMA PARA MAILABAS ANG WARRANT OF ARREST LABAN KAY “MARY.”
NANGAKO NAMAN ANG MGA RENT-A-CAR OWNERS NA IHAHANDA NILA ANG MGA DOKUMENTO AT UMAASA SI BONGAT NA HAHARAP ANG SUSPEK UPANG IPALIWANAG ANG KANYANG PANIG.
