El consejal Pinpin Pareja ya habla que debe enforsa con ley el Department of Agrarian Reform (DAR) sobre con el ta continua ahora basyada del filling materials del un companiya na controvercial sementera na brgy Talisayan.
Asegun con Pareja , hende quiere decir que ya approva na consejo local con el Re-classification Ordinance, ay puede ya tambien continua el Roel Can con el basyada del filling materials, por causa ta man review pa con este na Housing Land Use and Regulatory Board y nohay pa el resulta.
El consejal Mike Alavar por su parte ya habla que tiene ya orden el Malacanang con el DAR para manda descansa con el on-going actividad del Roel Can na mencionao lugar y ta manda ya imbestiga con este asunto, despues que ya embia carta el farmers association directamente na Officina del Presidente.
Comfundido tambien si Alavar si por que ya man issue building permit el zoning board con el Roel Can que amo ya usa base el mencionao companiya si por que ta continua sila con el basayada del filling materials.
(file photo)
