Gikalipay ni Gingoog City Police Station Acting Chief of Police, Supt. Ariel Philip Pontillas ang daling pagkasikop sa suspek sa pagpanigbas patay sa maong syudad.
Matud ni Supt. Pontillas nga nasulbad sa kapulisan sa Gingoog City ang kasong pagpatay nga wala pay usa ka oras gikan nahitabo ang insedente.
Kini nga kaso mao ang pagpanigbas patay nga nahitabo niadtong Huwebes sa gabie, Nobyembre 15 ning tuiga sa Barangay Maribucao, Gingoog City.
Suspek mao si Gerry Lanticsi Temblor, hingkod ang edad, ulitawo ug residente sa maong dapit.
Samtang ang gitigbas patay mao si Ereneo Alvarez, hingkod ang edad, ulitawo ug taga Topside, Barangay Talon, Gingoog City, Misamis Oriental.
Personal nga kasuko ang nakitang motibo sa pagpatay sa biktima.
Facebook Comments
