Giklaro ni Dalipuga Barangay Kapitan Nilda Hamoy nga walay mipahibalo ngadto kanila nga adunay ilubong nga patay’ng lawas sa suspect sa COVID 19 diha sa Dalipuga Cemetery.
Hinungdan nga nakurat nalang siya dihang daghan kaayo ang gapanawag ug gapangutana kaniya kun si kinsa ug unsay tinuod nga kahimtang sa gilubong sa maong menteryo.
Boot lamang unta nila masayod kun adunay sama nga kalihukan sa ilang barangay aron aduna pud silay itubag sa mga pangutana katawhan.
Gibutyag ni Hamoy nga sayon ra unta kaayo sila tawgon ug pahibal-on mahitungod sa mga kalihukan diha sa menteryo niining ani-a kita karon sa crisis sa covid 19.
Nasabtan ni Hamoy ang kabalaka sa katawhan sa dalipuga hinungdan nga sila gayud ang gapangutana kun nganong diha sa maong menteryo gilubong ang nasangpit nga patay’ng lawas.
(photo from FB)
