Damage sa sunog sa Manapla naglab-ot na sa mga P45M

MANAPLA, NEGROS OCCIDENTAL – Ginabulubanta nga nagdangat sa kapin P45 million pesos ang kahalitan nga gintuga sang natabo nga sunog sa Manapla Public Market sini gid lamang nga kaagahon.

Suno kay Manapla Bureau of Fire Protection OIC Chief Fire Marshal, SFO2 Frankie Guillen nga 30 tubtub 50 ka bloke ang naapektuhan sang sunog nga nagluntad pasado las 2 sini gid lamang nga kaagahon.

Bangud sang damages sang amo nga sunog, plano na karon sang Municipal Engineer sang Manapla nga si Engr. Benjie Java nga i-recommend kay Mayor Lourdes Escalante nga ipasira anay ang amo nga merkado.


Sa karon padayon ang imbestigasyon nga ginahimo sang Bureau of Fire sang Manapla agud mahibaluan ang rason kon nga-a nasunog ang amo nga merkado./dyHB BACOLOD

Facebook Comments