Davao City – Nadaot kun damaged nga electrical wire ang hinungdan sa pagka-kuryente sa duha ka mga frontliners diin usa patay sa insidente sa Tent City (Isolation Facility) sa Davao Internation Airport (DIA) pasado alas-12 sa udto niadtong Martes (Marso 16, 2021).
Sa report sa Sasa Police Station , giila ang mga biktima nga sila si Edgardo Lacabo, 31-anyos, utility worker, residente sa Purok 13, Tibungco, Davao City ug Akmad Catuyo, 39-anyos, Civil Security Unit (CSU) member, residente sa Purok 14, Sirawan, Toril, Davao City.
Nasayrang alas-12:49 sa udto sa dihang ang duha ka frontliners misulay pag-ayo sa poste sa canopy tent nga nahimutang duol sa exit fate sa Tent City nga nadaut tungod sa kusog nga hangin. Sa ilang pagrepair , aksidenteng nakuryentihan ang duha tungod sa damaged electric wire nga konektado gikan sa portable toilet, rason sa pagkalagpot ni Catuyo nga nakahiagom og minor injuries, samtang gilayong nabawian sa kinabuhi si Lacabo human nakahiagom og severe electric injury.
Gilayon usab nga girespondehan sa medical personnel sa lugar ug medical team gikan sa Central 911. Samtang, gi-ayo na usab sa personahe sa Davao Light and Power Company (DLPC) ang ‘damaged electrical wires’ nga maoy hinungdan sa insidente.
RadyoMaN Kirby Manzon
