Sa interbyu sa DXDC RMN Davao kang Police Major Marion Sibayan, Chief of Police sa New Bataan Municipal Police Station (MPS), gibutyag niini nga ilaha pang gipanubayan kung adunay epekto ang kusog nga linog sa mga establisemento o sa mga kabalayan sa lugar.
“Currently, naga-conduct pa ‘mi og evaluation kung to what extent ‘yung na-damage sa New Bataan. Malakas ‘yung (lindol) pero hindi naman matagal,” sulti ni Sibayan.
Samtang, matud sa pulis nga adunay na-report nga usa ka estudyante sa usa ka kolehiyo nga nagbaton og minor injury human nga sila naglumbaanay pagawas sa eskwelahan atol sa kusog nga linog.
Sa pagkakaron, padayong gipaigmat sa otoridad ang publiko labi na ang taga New Bataan tungod sa posibleng aftershock nga masinatian subay usab sa abiso sa Department of Science and Technology (DOST) – Philippine Institute of Volcanology and Seismology (PHIVOLCS).
RadyoMaN Kirby Manzon
