TACLOBAN CITY – Gindumara an duha ka-adlaw nga Light Visayas Summit ha Tacloban City kasangkulop, June 20 ini in para maipakita an skills han mga linemen.
Sumala kan Allan Laniba, President han Association of General Managers of Electric Cooperatives ha Eastern Visayas, an mao nga aktibidadis in para tagan hin pagkilala an mga linemen tungod han ira sakripisyo ngan trabaho ilabi na kun mayada kalamidad.
“Ini nga mga linemen diri hira naundang ha ira trabaho kun diri naibabalik an kuryente. Diri hira naundang bis ginkakapoy na hira, naundang la hira kun tapos na an ira gintrabaho.”
“May mga namatay kita nga linemen dida han bagyong Yolanda. Danay diri naa-appreciate han mga consumers an trabaho han aton mga linemen.”
Gin-abrihan han Philippine Rural Electric Cooperatives Association, Inc. (PHILRECA) an duha kaadlaw nga 1st Visayas Warriors of Light Summit ha Patio Victoria Resort.
Nagpartisipar ha nasabi nga event an 300 linemen tikang ha 33 electric cooperatives ha Western, Central, ngan Eastern Visayas.
Mayada paisan-isan para ha mga linemen sugad han pole climbing, pole dressing, pole undressing, conductor riding relay, knot tying, ngan spine board bandaging.
Gindumara gihapon an iba pa nga aktibidadis sugad han election han warriors of light officers, oath taking han regional association of linemen officers, skill training ngan safety training.
