Dancer gipusil patay sa Tagum

210

Davao City – Dead on arrival sa Davao Regional Medical Center ang dancer human pusila sa nakamotor alas 4:50 sa kadlawon kagahapon adlawa.

Giila ang biktima mao si Elvie Anabieza, 36 anyos, dancer sa SEE MEE, ug residente sa Purok Aala, Barangay Mankilam, dakbayan sa Tagum Davao del Norte.

Gilubngan og usa ka bala ang likod sa biktima nga nagresulta sa hinanaling kamatayon.

Sa imbestigasyon sa Tagum City Police Office migawas nga paingon na pauli si Elvie sakay sa iyang motor gikan sa public market dihang midikit ang laing motor sa biktima.

Apan kalit gipusil sa makausa ka higayon ang biktima mao natumba kini ug samtang ang wala ilhing suspek paspas nakapadagan sa iyang motor palayo sa lugar.

Blangko pa ang mga imbestigador sa motibo sa pagpamusil patay sa dancer ug ang patay’ng lawas anaa na karon sa morgue sa ospital.

RadyoMaN Joel Viray

Facebook Comments