Dancer sang isa ka disco bar , nabagrasan ang guya matapos tinuk-apan sang isa ka waiter

Iloilo City- Nabagrasan gid ang guya ni Stella Remegio, 33 anyos , residente sang Woodland, Brgy. Jereos, Lapaz kag isa ka dancer sa disco bar sa JM Basa St., Iloilo City matapos tinuk-apan ni Leo Salonga, 33 anyos, isa ka waiter kag residente sang Brgy. San Jose, San Miguel, Iloilo.

Natabo ang insidente alas 2:30 kaina sang kaagahon kon sa diin gulpi lang sininggitan sang suspek ang biktima sa wala mahibaluan nga rason kag wala pa nakontento , iya ini tinuk-apan nga gintunaan sang pagkapilas sang guya sang biktima.

Arestado ang suspek kag nakahunong sa Police Station 1.

(photo from web)