Davao City- Mireklamo ang usa ka babaye sa San Pedro PNP gumikan gikulata siya sa iyang ka live-in partner nga dancer sa dihang naabtan niya kining dunay laing ka date nga babaye.
Matud ni alyas Weena, gitawagan niya ang iyang live-in partner nga si alyas Rolly bandang alas dos sa kadlawon gumikan wala pa kini kauli sa ilang panimalay ug wala ginatubag ang iyang cellphone hinungdan iya kining giapas.
Pag abot niya diha sa usa ka kan-anan sa dalang Illustre naabtan niya nga dunay laing babaye nga kuyog ang iyang live-in partner nga daw nag hinungitay og pagkaon hinungdan nga niulbo ang kaspa niini ug gi konpronta ang maong lalaki.
Wala naka pugong ang maong babaye ug nakahimo og eskandalo sa nahisgotang lugar ug nakulatahan niya ang iyang ka live-in partner.
Tungod sa maong panghitabo, mibalos usab si Rolly kang Weena hinungdan naka angkon og bun-og sa tangkugo ug nibuto ang ngabil sa complainant tungod sa sumbag nga hinimoan sa iyang ka live-in.
Natala ang maong kaso sa Women and Children’s Protection Desk diin andam ang complainant nga ipa priso si Rolly nga iyang ka live-in partner nga dancer.
Kasamang Paul Canono
