Wala matiwas ang pagpanga-on sa mga kustomer sa Diaz Bulalo-an human kalit nga misilaob ang LPG burner nga gi-repair sa kusinero.
Sumala ni Jing-jing Diaz, tag-iya sa Diaz Bulalo-an nga giayo sa iyang kusinero ang LPG burner alas 9:30am sa buntag apan kalit nga misilaob ang kalayo rason sa pagkabalda sa ilang operasyon.
Matud ni Diaz nga nadali sa ilang kusinero pagbomba sa Fire Extinguisher rason nga napawong gilayon ang kalayo ug dili dako ang damyos sa maong sunog.
Gibutyag sa tag-iya sa Bulalo-an nga posibling ugma pa Sabado mabalik ang ilang normal nga operasyon tungod kay manghinlo pa sila sa mga hugaw ug ilisan ang mga depiktusong LPG burner.
RadyoMaN Erin Lumosbog
Facebook Comments
