Uso na gyud bisan sa kaniadto pa nga panahon ang mag butang ug tanum sud sa balay isip decoration. Labina sa mga nanay o mga mises sa panimay nga gustong mas hamugaway nga pamuyo. Pero naa pay mas mahinungdanon nga rason nganong kinahanglan magbutang ug tanum sud sa panimalay. Paminaw mo og maayo mga nanay. Bisan na gane si tatay pwede sad nga maoy makahibaw ani.
Mao kini ang pipila sa mga HEALTH BENEFITS sa mga indoor plants:
1. MO-REALEASE OG OXYGEN. Ang tanum makatabang sa atong pagginahawa tungod sa ilang oxygen. Mabuhi sila sa atong carbon dioxide nga atong ipagawas aron makaproduce sila sa oxygen nga atong iginhawa nga maoy makatabang sa atong lawas.
2. MAKAPALAYO SA SAKIT. Matod pa sa usa ka Agricultural University sa Norway, ang pagbutang ug tanum sud sa balay makaminus sa insidente sa pag-uga sa panit, subaw, sip-on ug ubo. Ang tanum usab makagaan sa pamati ug makalayo sa mga sakit nga dala sa hangin.
3. MAKALIMPYO SA HANGIN. Ang tanum mo higop sa mga toxic nga sud sa panimalay sama sa gikan sa pintal ug motabang sad kini sa pagpawala sa carbon monoxide nga naa sa sud sa sirado nga panimalay.
4. HEALTHY ALANG SA USA KA PASYENTE. Base sa pagtuon sa Kansas State University makatabang ang tanum nga maka level sa blood pressure sa usa ka taw ug makapakalma sa sakit nga gibati. Ug makapa reduce sa recovery time sa taw nga bag-o lang gi-operahan.
5. MAKATABANG SA MAAYONG PAGTRABAHO/PAGLIHOKLIHOK. Mas makadugang sa concentration ug maka pataas sa memorya ang tanum matod pa sa University of Michigan.
Mao nag sa mga idol natong nanay ug tatay, batasana ninyo ang pagbutang og tanum sud sa panimalay kay dako kaayo ni ug ikatabang sa atong panglawas. Apan hinumdumi baya nga anaa pud kay responsibilidad sa pag amuma niini. Siguradoa pud nga dili ni maoy puy-anan sa mga peligrosong lamok o ba kaha duol sa mga bata kay basin duwaduwaan nila.
Alang sa dugang pa ninyong kaalam mahitungod sa panimalay atangi ang atong article matag Miyerkules —- All About PANIMALAY. Tinubdan: www.housebeautiful.com. Photos gikan sa web. (Sinulat ni Dj Teena Val)
