“Wala naglaom”, kini ang pamahayag ni Dapitan City Chief P/Supt. Glenn M. Dulawan human siya naka dawat ug pasidungog atol sa PNP Foundation Day niadtong adlawng lunes isip Best Chief of Police of The Year.
Saysay pa ni Dulawan nga igo lang sila gipatawag ug na surpresa siya nga adunay siya’y nadawat nga pasidungog gikan sa PNP.
Kahinumduman nga grabe man ang pagpaningkamot sa kapulisan sa Dapitan ilabi na ang pakigbatok sa guinadiling droga ug krimen sa ilang dakbayan, mihatag usab ug ayuda ang City Goverment sa nahisgutan nga dakbayan ngadto sa mga pulis nga mao ang logistic ug financial.
Matod pa sa Hepe nga si Dulawan halos 50 porsyento ang pag ubos sa index crime sa iyang area of responsibility ug kini karon ang basehan kung unsa ka malinawon ang usa ka lugar sama nalang sa pagkunhod sa index crime.
Mi ubos usab ang index crime statistic sa pagkakaron ug mitaas ang ilang crime solusyon, bisan paman mikunhod ang krimen pero kung mag abot kini sa tunga mi taas gihapon ang crime solution*.*
Mihatag usab si Chief P/Supt. Glenn M. Dulawan ug mensahe sa kapareha niya nga pulis matod niya kung hepe ka kinahanglan nga adunay pag higugma sa usa ka lugar ug didto na mosunod unya ang mga operational accomplishment ug administrative accomplishment ug kinahanglan nga mo trabaho kun unsay ilang mandato*.*
