Sumala ni DATA President Cherry Faye Al-ag sa interbyu sa DXDC RMN Davao, nagpabiling nagdoble igmat ug gipatuman sa matag establisyemento ang Minimum Public Health Standard.
Segun ni Al-ag, kampante kini sa matang sa panlawas ilabina sa mga tourism workers tungod kay kadaghanan sa mga anaa sa tourism sector ang bakunado ug nagpadayon ang booster shot batok COVID-19.
Nagsalig kini sa gobyerno sa implementasyon sa mas istriktong quarantine tungod kay nagpabilin gihapon ang hulga sa COVID-19 sa palibot.
Panawagan niini sa mga business owners, managers ug operators nga dili magkumpyansa ug hugot bantayan ang ilang mga tawo ug kliyente diha sa pagsunod sa MPHS aron magpadayon ang pamatigayon ug trabaho sa tanan.
Segun niini, on going ang Joint Task Force sa pagpanguna sa LGU Davao, Department of Trade and Industry, Department of Tourism ug uban pang mga ahensya sa paghatag og safety seal certification ngadto sa mga establisyementong nakapasar sa rekwisitos sa pagseguro nga luwas ang ilang mga lugar ug in place ang mga health protocols.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
