Dati nga Polis/Dati nga polis nga nagaoperate sang shabu laboratory, nagsurender.

Boluntaryo nga nagsurender ang anay polis nga naasign sa probinsya sang Maguindanao nga nagaoperate suno pa sang shabu laboratory sa banwa sang Bagumbayan sa nasambit nga probinsya.
Suno kay Police Regional Office o PRO 12 Spokesperson Chief Inspector Aldrin Gonzales ang suspek na si Jaiton Camsa ang nagsurender kay Sultan Kudarat PNP Provincial Director Senior Superintendent James Gulmatico.
Ginpahayag man sini nga posible natunugan sang nasambit nga suspek nga siya ang masunod nga puntirya sang mga utoridad sa kampanya kontra illegal drugs rason nga nagsurender na lamang ini.
Ginkumpirmar man ni Gonzales nga si Camsa ang may tatlo ka mga warrant of arrest may kahilabtanan sa iligal nga droga kag high value target sang mga otoridad.
Sa subong nakadetine ang nasambit nga suspek sa Sultan Kudarat Provincial Jail kag ginsiguro man ang seguridad sini.
Panawagan naman ni Gonzales sa mga imbolbado pa sa iligal nga droga nga magsurender na tungod ginasiguro man nila ang seguridad sang mga ini.

Facebook Comments