Pinangunahan ni Transportation Secretary Vince Dizon ang panunumpa sa pwesto bilang executive director ng OTC o Office of Transportation Cooperative ni dating Cainta Mayor Mon Ilagan.
Si Mon Ilagan na dati ring broadcaster ay kasamang uupo ng iba pang mga bagong talagang opisyal ng Department of Transportation (DOTr).
Bukod sa pagiging chairperson ng OTC ay magsisilbi rin siya bilang isa sa mga miyembro ng binuo ni Sec. Dizon na special committee na susuri sa Public Transport Modernization Program o PTMP ng gobyerno.
Matatandaan na nitong nakalipas na linggo ay una na ring itinalaga ng Malacañang si Engr. Michael Capati na uupo muli bilang general manager ng MRT-3.
Facebook Comments
